Sushma andhare helicopter crash – शिवसेनेच्या सुषमा अंधारे यांच्या हेलिकॉप्टरचा अपघात. सुषमा अंधारे सुखरुप.
शिवसेनेच्या ठाकरे गटातील सुषमा अंधारे यांना घेण्यासाठी आलेलं हेलिकॉप्टर क्रॅश झाल्याची माहिती समोर आली आहे. सुदैवाने सुषमा अंधारे या हेलिकॉप्टरमध्ये बसण्यापूर्वी हा अपघात झाला. आपण सुखरुप असल्याची माहिती त्यांनी समजमध्यामांना दिली.त्याच बरोबर पायलट सुध्धा सुखरुप आहे.
सध्या देशासह राज्यात लोकसभा निवडणुकच्या प्रचाराची लगबग आहे. लोकसभा निवडणुकीच्या प्रचारासाठी राजकीय नेत्यांचे जिल्ह्यात दौऱे सुरू आहे. दरम्यान, प्रचारासाठी शिवसेना ठाकरे गटाच्या सुषमा अंधारे कोकण दौऱ्यावर होत्या तेथील सभा पूर्ण करून त्यानंतर आज ते बारामतीकडे रवाना होणार होत्या. यासाठी त्यांना घेण्यासाठी महाडमध्ये हेलिकॉप्टर आले होते. परंतु सुषमा अंधारे यांना घेण्यासाठी आलेलं हेलिकॉप्टर क्रॅश झाल्याची माहिती समोर आली आहे. सुदैवाने सुषमा अंधारे या हेलिकॉप्टरमध्ये बसण्यापूर्वी हा अपघात झाला. पंरतु सुषमा अंधारेंनी आपण सुखरूप असल्याचे म्हटलं आहे. तर पायलेटही सुखरुप आहे. सुषमा अंधारे सकाळी 9.30 वाजता महाडमधून बारामतीकडे हेलिकॉप्टरने रवाना होणार होत्या. त्यासाठी त्या हेलिपॅडवर दाखल झाल्या होत्या. परंतु त्यापूर्वी हा अपघात झाला. तर तांत्रिक बिघाडामुळे हेलिकॉप्टर क्रॅश झाल्याचे सांगण्यात येत आहे.
कोण आहेत सुषमा अंधारे –
सुषमा अंधारे या ‘भटक्या विमुक्त जमाती संघटनेच्या’ प्रदेश सरचिटणीस आहेत. त्या राज्यशास्त्र आणि समाजशास्त्र विषयाच्या व्याख्यात्या आहेत. पुरोगामी विचारांच्या त्या आहेत. राजकारणासोबत त्या प्रसिद्ध वक्त्या आणि लेखिकासुद्धा आहेत. शिवसेना मधील ठाकरे गटाच्या त्या आघाडीच्या कार्यकर्त्या आहेत.
तुमच्या आशीर्वादामुळे मी सुखरुप – सुषमा अंधारे
एका दिवसांत दोन, तीन सभा घ्याव्या लागत आहेत. कोकणातील सभेनंतर बारामतीकडे जाण्यासाठी आम्ही हेलिपॅडवर आला. कारमधून आम्ही खाली उतरलो होतो. त्यावेळी हेलिकॉप्टरने दोन, तीन घिरट्या मारल्या आणि आचानक हेलिकॉप्टर कोसळले. मी आणि विशाल गुप्ते या हेलिकॉप्टरने जाणार होतो. परंतु सर्वांच्या शुभेच्छा आणि आशीर्वादामुळे आम्ही सर्व सुखरुप आहोत, असे त्यांनी समाजमाध्यमांशी बोलताना सांगितले.
Covishield Vaccine – जीव वाचवले की धोक्यात घातले?
वर्क फ्रॉम होम जॉब्स शोधताय ? क्लिक करा
फेसबूक पेज क्लिक करा